E DOMOSDOSHME TË DIHET

. Një Botë e Lirë nga Torura

Imagjinoni trupin tuaj të tërin me dhimbje, si dhe shpirtin tuaj të lënduar e të atrofizuar nga frika. Se e keni humbur lirinë dhe jeni deprivuar nga dinjiteti njerëzor. Se e ndieni dhimbjen, poshtërimin dhe pafuqinë – pra, jeni bërë viktimë e torturës. . .

Format e rënda të keqtrajtimit shpesh lidhen dhe ndodhin në ato shoqëri dhe shtete, ku shkeljet e të drejtve të njeriut janë përditshmëri. Me gjithë mendimin e gjërë se tortura është një fenomen i shoqërive të varfëra dhe “jocivilizuese”, është mjaft befasues fakti se, tortura praktikohet në të 2/3 e vendeve të botës, përfshirë gjithashtu praninë edhe në shtetet e zhvilluara industriale. Edhe pse trotura dhe format e tjera të keqtrajtimit, janë të pranishme në mbarë botën, ajo çka e dallon një vend prej tjetrit, është mënyra dhe shkalla e aplikimit të saj.



Ndalimi i torturës është absolut dhe kjo është theksuar në shumë marrëveshje ndërkombëtare dhe regjionale. Kjo i takon atij grupi të të drejtave të njeriut të cilat konsiderohen si të patjetërsueshme, e që vlejnë në të gjitha rrethanat dhe të cilat nuk lejohet të derogohen nga shteti për çfarëdo arsye. Tortura dhe keqtrajtimi, sipas të drejtës zakonore ndërkombëtare, gjithashtu kosiderohen si të ndaluara. Sidoqoftë, me gjithë këtë ndalim, tortura dhe keqtrajtimi praktikohen edhe sot. Tortura dhe trajtimi çnjerëzor dhe poshtërues, ndodhin shpesh dhe në mënyrë të vazhdueshme, ato ndoshta janë duke ndodhur edhe gjatë këtyre momenteve; ato ju ndodhin njerëzve të deprivuar nga liria, atyre që u takojnë grupeve tjera etnike, sociale dhe kulturore, të rinjve apo të moshuarve, si dhe grave e burrave. Askush nuk është imun ndaj torturës; gjithkush mund të bëhet viktimë e saj. Për një kohë të gjatë, tortura dhe trajtimi çnjerëzor dhe poshtërues janë konsideruar vetëm si karakteristikë e kohëve të luftës dhe skllavërisë, deri sa kur kanë ndodhur gjatë paqes, nuk janë përfillur fare. Në rast se bëhet një ekzaminim më i afërt i rasteve të torturës dhe trajtimit çnjerëzor dhe poshtërues, bëhet e qartë se format më rënda të keqtrajtimit, nuk i takojnë vetëm të kaluarës. Përgjatë viteve me radhë, deri sa njerëzimi ka përparuar dhe është zhvilluar, metodat brutale të kohës së vjetër dhe të mesme të keqtrajtimit, janë zavendësuar me metoda më të sofistikuara, por që gjithashtu janë mizore. Sidoqoftë, efekti dhe rezultati i tyre nuk ka ndryshuar; tortura dhe format tjera të keqtrajtimit, vazhdojnë të jenë kërcënim serioz për sigurinë njerëzore, sikurse edhe për integritetin fizik dhe psikik të qenieve njerëzore, prandaj janë duke vazhduar kërkesat për përpjekje më të organizuar me qëllim të parandalimit të paraqitjes së tyre.

Zhvillimet bashkëkohore, sidomos në fushën e së drejtës ndërkombëtare, sikurse edhe metodat e gjera dhe të shpejta për shpërdarjen e informatave, kanë tërhequr vëmendjen në gjithë botën dhe kanë ngritur vetëdijen për problemin e torturës dhe të formave të tjera të keqtrajtimit serioz. Si zyrat qeveritare, ashtu edhe organizatat joqeveritare kanë filluar të trajtojnë jo vetëm pasojat e shumë formave të keqtrajtimit, por edhe shkaqet e tyre të shfaqjes. Standarde ndërkombëtare plotësisht të qarta për mbrojtje dhe parandalim janë përcaktuar dhe janë pranuar gjerësisht. Për më tepër, një trup i tërë i hetimeve, monitorimeve dhe mbikëqyrjes janë zhvilluar me qëllim të sigurimit të standardeve të parandalimit dhe të drejtës së patjetërsueshme të ndalimit dhe dënimit të torturës dhe formave të tjera të trajtimit mizor, johuman dhe poshtërues.



Ndalimi i torturës dhe siguria njerëzore. Kërcënimi i torturës dhe keqtrajtimit paraqet një kërcënim të drejtpërdrejtë për sigurinë e çdo personi. Kështu që, mbrojtja e jetës njerëzore, sigurimi i integritetit fizik dhe psikologjik për qeniet njerëzore është shndërruar në interes qendror të konceptit të sigurisë njerëzore. Rruajtja e pacenueshmërisë së jetës së çdo qenieje njerëzore është e lidhur ngushtë me ndalimin absolut të torturës dhe çdo forme tjetër të keqtrajtimit. Realizimi i plotë i të drejtës për jetë dhe integritet personal, si dhe ndalimi absolut i torturës dhe formave të tjera të trajtimit mizor, johuman dhe poshtërues paraqet prioritet të çdo kërkese për siguri njerëzore. Pa dyshim, ngritja e vetëdijes njerëzore për të drejtat e njeriut përmes arsimit në të drejtat e njeriut, së bashku me strukturën e përmirësuar ligjore për mbrojtje dhe parandalim të torturës dhe keqtrajtimit, do të bëhen gurthemelet e përmirësimit të sigurisë dhe mirëqenies njerëzore. Statuti i Gjykatës Ndëkombëtare Penale, themelimi i së cilës fuqishëm është avancuar nga Rrjeti i Sigurisë Ndërkombëtare, në mënyrë eksplicite njeh torurën si krim kundër njerëzimit dhe krim të luftës dhe në këtë mënyrë vë një theks të veçantë në mbrojtjen e jetës dhe sigurisë njerëzore.

>>Njeriu që torturon njeriun është aq shpirtlig sa nuk mund të përshkruhet<<

HENRY MILLER