Bukuria Vjen Nga Lulet

Banjot me lule kanë te meshkujt të njëjtin efekt si hormonet. Kush kërkon të jetë i bukur dhe të ndihet në harmoni me trupin e vet duhet të përdorë gjithçka që është natyrale. Fitokozmetika është pikërisht ajo degë e trajtimeve estetike që përdor bimët në trajtimet që ofron. Bojëra me përmbajtje bimore, maska të ndryshme me alga, parfume që përdorin erën e pazëvendësueshme të luleve janë përdorur gjithnjë në qendrat më të famshme estetike.


Kohët e fundit nga një studim amerikan është zbuluar që banjat me lule apo masazhet me vajra bimorë janë ideale për një femër që të zbulojë bukurinë dhe sensualitetin e vet. Përdorimi i bimëve edhe nga meshkujt, i shkakton këtyre të fundit të njëjtën efekt që japin hormonet.

Pra është pikërisht momenti i duhur që t,i dhuroni këtë kënaqësi vetes tuaj.Për këtë qëllim mund të përdorni lloje të ndryshme lulesh, ku secila prej tyre ka një efekt specifik në bukurinë tuaj. Kështu nëse doni të keni një ngjyrë trupi të bukur në sezonine verës, ideale do të ishte përdorimi i lulediellit e pasur në vitamina D dhe E.

Mimozat meqë përmbajnë hekur, zink dhe magnez ndihmojnë që lëkura juaj të jetë më elastike, duke eliminuar kështu problemet e këputjeve të epidermës apo celulitit. Nëse doni të ndiheni e bukur si një perëndeshë, përdorni banjat dhe mesazhet me petale trëndafili. Trëndafili, ndryshe mbretëresha e luleve falë vitaminave C dhe E ka efekt regjenerues për fytyrën dhe eliminon çdo shenjë plakjeje.