TREGIMI ILUSTRUES

Më 25 nëntor të vitit 1991, rreth orës 9:00 të mëngjesit u ndalova nga policia. Në ato momente nuk kishte probleme. . . Më pas u dërgova në stacionin policor në Bobigni. Më dërguan në katin e parë ku filluan të më godasin përafërisht tetë persona. U detyrova të ulem në gjunjë. Një polic më kapi flokët dhe më ngriti lart. Një polic tjetër më godiste vazhdimisht në kokë me një mjet që i ngjate shkopit të bejzbollit. Edhe një tjetër polic vazhdonte të më grushtonte dhe godiste pas shpinës. Marrja në pyetje zgjati përafërsisht një orë . . . Më 26 nëntor, gjatë ditës u mora përsëri në pyetje nga tre ose katër policë,. . . Me atë rast më kapën flokët dhe më goditën me shkop. . . Të gjithë vazhduan të më lëndojnë deri në ora 1:00 të mëngjesit. Më duket së ky keqtrajtim ka filluar diku rreth orës 19:00. Në një moment, ata më detyruan të dalë në një korridor të gjatë ku policët, për të cilët unë mendoj se ishin kujdestarë, më tërhiqnin flokët dhe më detyruan të vrapoj përgjatë korridorit, deri sa të tjerët ishin pozicionuar në anën tjetër dhe më rrëzonin. . . Pas asaj, më dërguan në një zyre ku u kërcënova me djegie nëse nuk do të flisja. Kur refuzova, ata ndezën dy llampa shpërthyese, të cilat ishin të lidhura me dy shishe të vogla të mbushura me gas. Ata më detyruan të ulem në tokë, ku kishin vendosur llampat eksploduese një metër larg këmbëve të mija, nga të cilat më parë m’i kishin zbathur këpucët. Në të njëjtën kohë ata vazhdonin të më godisnin. Pas këtij keqtrajtimi, ata tregonin dhe më spërkatnin me një gjilpërë, duke më kërcënuar se do të më injektonin. Kur pashë atë, unë grisa mëngën e këmishës sime dhe thashë: ‘Vetëm vazhdoni, por nuk guxoni; ashtu edhe si mendova, ata nuk zbatuan kërcënimin e tyre. . . Policët më lanë të qetë për 15 minuta, pastaj njëri prej tyre më tha: ‘Ju arabët kënaqeni duke ju shtypur’. Ata më kapën, më detyruan të zhvishem dhe njëri prej tyre më futi një shkop të vogël dhe të zi në anusin tim.



Vini re. Kur Z.Selmouni kujton atë skenë, ai menjëherë fillon të qajë.

Jam i vetëdijshëm se kjo që ju tregova është shumë serioze, por e gjitha është e vërtetë, unë e kam përjetuar krejt atë keqtrajtim . . .



Gjykata Evropiane për të Drejtat e Njeriut, pas shqyrtimit të fakteve dhe provave të rastit Selmouni vs France, me 28 korrik 1999, vendosi unanimisht se në këtë rast është shkelur Neni 3 i Konventës Evropiane për të Drejtat e Njeriut.

BURIMI:GJYKATA EVROPIANE PËR TË DREJTAT E NJERIUT, RASTI SELMOUNI V. FRANCE, VENDIMI I 28 KORRIKUT 1999, STRAZBURG, FRANCË.