E DOBISHME TË DIHET

Në ambientet e ngrohta, ku jeta edhe pse në dukje të parë është e vështirë, por disi prapë e mundur, është vërtetë veshtirë të paramendohet se miliona njerëz për çdo vit, për shkak të asaj se kush janë, çka kanë bërë ose në çka besojnë, bëhen viktima të trajtimeve mizore, çnjerëzore dhe poshtëruese. Sot, ekziston një numër i madh aktivitetesh në mbarë botën për edukimin e të tjerëve dhe ofrimin e asistencës ligjore dhe rehabilitimit fizik e psikik viktimave të torturës, si masë e parandalimit të trajtimeve çnjerëzore, të cilat i takojnë rrjetit të ngushtë të iniciativës për mobilizim të shoqërisë kundër praktikave të torturës në ato vende ku kjo ndodh rregullisht.

Shumica e praktikave rrjedhin nga masat e gjera të popullit dhe nga paditë e ngritura; tjerat përpiqen të ndërtojnë kapacitetet lokale dhe ngrisin njohurinë e komunitetit, si masë e sigurimit dhe parandalimit Dhe së fundi por jo edhe më pak e rëndësishme, gjithashtu ngritja e kapaciteve institucionale dhe përmirësimi i legjislacionit, kanë një rol të rëndësishëm në këtë proces. Të gjitha këto veprime janë të pandashme dhe të ndërlidhura mes vete, si dhe për të gjitha këto iniciativat ndërmerren njësoj.



Si praktika të mira të parandalimit të torturës dhe keqtrajtimit, mund të jenë:

· Fushatat, lobimet, ngritja e vetëdijes dhe aktivitet arsimuese në nivel lokal ndër masa të gjera dhe përmes veprimeve gjyqësore.

· Ngritja e kapaciteteve dhe institucioneve, ndikimi në strukturat dhe institucionet ekzistuese, reformimi i tyre ose ndërtimi i institucioneve të reja me kapacitet për trajtimin e problemeve.



Aktivitetet e Organizatave Ndërkombëtare

Raportuesi Special për Torturë – Qëllimet, Mandati dhe Aktivitetet

Komisioni i OKB-së për të Drejtat e Njeriut me Rezoluën 1985/33, vendosi për emërimin e një raportuesi special për ekzaminimin e çështjeve relevante për torturën, të kërkojë dhe të pranojë informata të besueshme dhe sigurta për ato çështje, si dhe t’ju përgjigjet në mënyrë efektive atyre informatave. Raportuesi Special, për çdo vit i paraqet Komisionit raport të hollësishëm mbi aktivitetet e tij/e saj, në të cilin rishikon shfaqjen dhe shtrirjen e torturës dhe bënë rekomandime për të ndihmuar qeveritë në eliminimin e torturës. Mandati i Raportuesit Special përfshin të gjitha shtetet, pa marrë parasysh nëse shteti ka ratifikuar Konventën Kundër Torturës dhe Trajtimit apo Ndëshkimit tjetër Mizor, Çnjerëzor dhe Poshtërues.

Mandati i Raportuesit Special, përfshin tri aktivitete kryesore: përcjelljen e komunikatave që përmbajnë kërkesa urgjente dhe letra pretenduese (rastet e pretenduara të torturës) ndaj qeverive; zhvillimin e misioneve hulumtuese (vizita nëpër shtete) atje ku informatat tregojnë se tortura është e pranishme jo vetëm në incidente sporadike dhe spontane; dhe paraqitjen e raporteve vjetore për veprimtarinë, mandatin dhe metodat e punës së Raportuesit Special, Komisionit për të Drejtat e Njeriut dhe Asamblesë së Përgjithshme.

Për dallim nga organet monitoruese të themluara në bazë të traktateve ndërkombëtare, Raportuesi Special nuk kërkon shfrytëzimin e të gjitha e mjeteve vendore për të vepruar në rastet individuale që ndërlidhin rrezikun e torturës (pra, “këkesat urgjente”) ose në rastet e pretenduara të torturës (“pretendimet”).

Për t’i dorëzuar informata Raportuesit Special, mund të shkruani në këtë adresë:

Special Rapporteur in Torture

Office on High Commissioner for Human Rights

8-14 Avenue de la Paix

1211 Geneva 10, Switzerland

Burimi

FACT SHEET NO. 4 “COMBATING TORTURE” OF THE HUMAN RIGHTS FACT SHEET SERIES OF THE OFFICE OF THE UNITED NATIONS HIGH COMMISSIONER FOR HUMAN RIGHTS, 2002



KOMITETI EVROPIAN PËR PARANDALIMIN E TORTURËS DHE DËNIMIT APO TRAJTIMIT ÇNJERËZOR DHE POSHTËRUES (CPT)

Themelimi

CPT është themelur në bazë të Konventës Evropiane për Parandalimin e Torturës dhe Dënimit a Trajtimit Çnjerëzor dhe Poshtërues, të miratuar në vitin 1987. Ka filluar punën po atë vit kur Konventa ka hyrë në fuqi, pra në vitin 1989.

Anëtarët

Anëtarë janë të gjitha shtetet anëtare të Këshillit të Evropës. Që nga marsi i vitit 2002, në bazë të ftesës së Komitetit të Ministrave, është mundësuar aderimi për shtetet joanëtare të Këshillit të Evropës. Komiteti përbëhet nga mjekë, avokatë dhe ekspertë të çështjeve policore, burgjeve dhe drejtave të njeriut. Numri i anëtarëve është i njëjtë me numrin e shteteve anëtare të Konventës. Që nga marsi i vitit 2000, Silvia Casale, kriminologe britaneze, është presidente e komitetit.

Mandati

Komiteti bën mbikëqyrjen e trajtimit të njerëzve të deprivuar nga liria. Komiteti ekzaminon stacionet policore, spitalet e psikiatrisë dhe vendet e tjera ku mbahen të burgosurit, siç mund të jenë, vendqëndrimet e azilkërkuesve që ndodhen në vendet tranzite dhe aeroportet ndërkombëtare. Anëtarët e Komitetit kanë të drejtë të bisedojnë privatisht me të burgosurit.

Metodat e Punës

Komiteti u bën vizita periodike të gjitha shteteve anëtare dhe, gjithashtu, në rast nevoje, bënë edhe vizita ad hoc. Konkluzionet e Komitetit për qeverinë e caktuar përfshihen në një raport konfidencial, i cili gjithashtu përmban edhe rekomandime. Konfidencialiteti i raporteve është një bazë e rëndësishme për besueshmëri ndaj Komitetit dhe si rezultat dialogu i përhershëm dhe konstruktiv i CPT-së me qeveritë, ka avancuar pozitën ndërkombëtare të saj. Raportet së bashku me komentet e paraqitura nga shtetet konkrete, mund të publikohen me pajtimin paraprak të shteteve.

Sanksionet e Mundshme

Nëse qeveritë e caktuara në bazë të rekomandimeve të Komitetit, refuzojnë të bashkëpunojnë ose përmirësojnë situatën, CPT-ja duke lëshuar deklarata publike, mund të ushtrojë presion politik mbi ato qeveri. Deri më tani, Komitetit ka përdorur këtë mundësi tri herë: kundër Turqisë në vitet 1992 dhe 1996 dhe kundër Republikës Çeke dhe Federatës Ruse në vitin 2001.

Vizitat dhe Raportet e CPT-së

Që nga 7 prilli i vitit 2003, CPT-ja ka bërë 152 vizita (100 vizita periodike + 52 vizita ad hoc), si dhe ka publikuar 115 raporte.

BURIMI:

HTTP://WWW.CPT.COE.INT/EN/ABOUT.HTM